Sider er gervigreindarforrit sem getur t.d. hjálpað þér að glósa. 

Voice Dream Reader les fyrir þig pdf skjöl og ljósrit. Appið les bæði á íslensku og ensku.

Málstaður les yfir textann þinn og kemur með ábendingar, það getur einnig þýtt texta og hljóðritað upptökur. 

Sjónrænt skipulag

Tímavaki

Notability er glósuforrit fyrir iPad og Mac. Ég nota það í Ipad og glósa með apple penna. 

Þú getur flutt inn PDF-skjöl eða glærur og skrifað athugasemdir beint á þær, en það er líka hægt að taka upp hljóðupptöku inn í glósurnar. 

PlantNet

Flipgrid

Flipgrid er einfaldur og aðgengilegur myndbands samskiptamiðill fyrir kennara, nemendur og fjölskyldur þar sem hægt er að skapa til umræðna. Umræðurnar geta svo orðið til þess að tengja fólk saman, kveikja nýjar hugmyndir, sjá hlutina í öðru ljósi eða deila sínum skoðunum svo dæmi sé tekið. 

Anki

Anki er flasskortaforrit sem ég nota sjálf mikið í mínu námi. Það er ókeypis fyrir tölvur en símaforritið kostar um 4000 íslenskar krónur.  Anki vinnur með aðferð þar sem endurtekningar (spaced repetition). Sú tækni hefur verið rannsökuð og niðurstöður hafa sýnt að þeir sem læra með þessari aðferð eiga mun auðveldara með að varðveita þekkinguna til lengri tíma. Hér er hægt að horfa á  Youtube kennslumyndband um forritið. 

Google Sites 

Google sites er líkalega einfaldasti möguleiki til þess að útbúa heimasíðu sem völ er á. Það er mjög skemmtilegt að vinna að heimasíðugerð og jafnframt er vel hægt nýta möguleikann í kennslu. Einn stór kostur við Google sites er sá að forritið bíður upp á þann möguleika að margir geti unnið, á sama tíma við sömu síðuna, það gerir þetta tól tilvalið í samvinnuverkefnum. Það er einnig mjög einfalt að verða sér út um kennslumyndbönd á Youtube. 

Padlet

Padlet veggurinn getur nýst á marga vegu í kennslu og námi. Padlet býður upp á margvíslega hugmyndavinnu "brainstorming", verkefnavinnu í hópum , hægt er að gera hugtakakort, glósa og margt fleira. 

Seasaw

Seasaw er stafræn kennslustofa þar sem kennari geta lagt fyrir verkefni og nemendur leyst úr þeim. Nemendur geta lesið fyrir kennarann og foreldrar geta fengið aðgang til þess að fylgjast náið með framvindu barnsins. Þetta er frábært samskiptatól fyrir kennara og nemendur á tæknitímum.

Explain Everything

Explain Everything er frábært tól fyrir kennara og nemendur til þess að búa til glærukynningar og kennslumyndbönd um hvað sem er. Þetta er sérstaklega nytsamlegt forrit og stórskemmtilegt að dunda sér við að búa til kennslumyndbönd.

Forritið kostar.  Hér er dæmi um kennslumyndband sem er gert í Explain Everything. 

Classroomscreeen

Þetta er eitt af þeim forritum sem ég er handviss um að ég muni nýta mér í kennslu. Frábært tól til þess að vera með sjónrænt skipulag fyrir bekkinn og auðveldar kennaranum að hafa stjórn á bekknum með einföldum reglum.

Book Creator 

Book creator er skemmtilegt forrit til þess að búa til rafbækur. Það er einfalt í notkun og er bæði hægt að nota í spjaldtölvum og tölvum.  Það er einfalt að deila rafbókunum með öðrum og hentar forritið því einstaklega vel fyrir kennara. 

Bæði geta kennarar búið til kennsluefni fyrir nemendur en einnig geta nemendur búið til bækur sem þeir geta svo deilt með öðrum nemendum. Bækurnar eru ekki einskorðaðar við texta og myndir en þær geta einnig innhaldið myndbönd og hljóðupptökur svo eitthvað sé nefnt. 

Kahoot!

Kahoot er kennsluforrit í formi spurningaleikja. Kennarinn semur spurningar og nemendur fá að læra í gegnum leik.